Dy këmbësorë janë lënduar si pasojë e një aksidenti që ka ndodhur sot në Prishtinë në rrugën “Luan Haradinaj”.
Lajmin për Front Online e ka konfirmuar, Bajram Krasniqi nga Policia e Kosovës.
Ai ka thënë se rasti ka ndodhur në ora 10:45.
“Në ora 10:45, policia është njoftuar për një aksident trafiku në rrugën ‘Luan Haradinaj’. Njësia policore ka dal në vend-ngjarje, të përfshirë në aksident ka qenë një veturë dhe dy këmbësorë. Nga aksidenti dy persona (këmbësorë) janë lënduar”, ka thënë Krasniqi./FrontOnline/
