Sekretari i OVL-UÇK-së, Faton Klinaku ka folur për bastisjet që po kryhen nga hetuesit e Prokurorisë Speciale në shtëpitë e Hashim Thaçit, Kadri Veselit e Rexhep Selimit, duke e quajtur Prokurorinë Speciale, prokurori politike.

“Prokuroria po tregon se është prokurori politike, duke shkuar në shtëpitë e njerëzve për t’i bastisur”, ka thënë ai për T7.

Klinaku që në konferencën e djeshme ka paralajmëruar se do të ketë protestë të veteranëve, tha se kjo do të vendoset në mbledhjen e këshillit drejtues që do të mbahet sot.

“Do të kemi mbledhjen e këshillit drejtues të OVL-së sonte në mbrëmje, ku do të diskutojmë për mundësinë e organizimit të protestës gjithpopullore dhe këshilli drejtues do të vendosë”, tha Klinaku.