Këngëtarja 28 vjeçe, hyri në Instagram të shtunën për të ndarë me ndjekësit një mori fotografish të mrekullueshme nga pushimet e saj me prindërit dhe të dashurin e saj Romain Gavras.

Në një fotografi mahnitëse, Dua tregoi figurën e saj trupore teksa rrinte pranë pishinës e veshur me një palë bikini dypjesëshe ngjyrë ari, shkruan DailyMail.

Ajo mbante një libër në njërën dorë ndërsa zhyti këmbët në ujë për t’u freskuar, teksa po lexonte librin e pabotuar të një shoku.

Dua vendosi gjithashtu elegante e veshur me xhinse blu dhe një bluzë të zezë të madhe, të cilën e ngriti për të treguar barkun e saj të tonifikuar dhe pjesën e sipërme të bikinive të kuqe.

Në një fotografi tjetër, interpretuesja e hitit “Love Again” dukej gjithashtu elegante e veshur me një mini fustan të kuq me lule të printuara nëpër të.

Për aksesorë, Lipa zgjodhi një sërë gjerdanesh ari dhe i mbështolli flokët e saj nën një shami.

Dua, e cila festoi ditëlindjen e saj të 28-të në Ibiza, tregoi bukurinë e saj natyrale, teksa u shfaq pa makijazh në pamjen e jashtme.

Dua ka qenë duke pushuar me prindërit e saj dhe Romain, dhe një burim i tha DailyMail se nuk është hera e parë që i dashuri i saj takon prindërit e saj.

Prindërit e saj jetuan nëpër Kosovë dhe Bosnje deri në vitin 1992 kur u transferuan në Londër pas fillimit të Luftës së Bosnjës.

Dua ka qenë në lidhje me të dashurin e saj Romain që në fillim të këtij viti dhe dyshja kanë shijuar një festë romantike së bashku ditët e fundit.

Çifti u lidh për herë të parë në mars, kur u fotografuan të kapur për dore teksa po largoheshin nga sfilata e Javës së Modës në Paris.

Dua dhe Romain, ish-i dashuri i Rita Orës, dolën publikisht bashkë në tapetin e kuq të Festivalit të Filmit në Kanë, gjatë muajit maj.

Burimet pohuan se në atë kohë dyshja ishin njohur me njëri-tjetrin për muaj të tërë, pas ndarjes së saj nga Anwar Hadid, vëllai i modeleve Gigi dhe Bella, në vitin 2021.

Një burim i brendshëm tha për The Sun: “Dua dhe Romain janë njohur në heshtje për disa muaj. Ata kanë shijuar kalimin e kohës së bashku”.

Dyshja takuan rrethet e ngushta të njëri-tjetrit gjatë periudhës festive dhe kanë shumë të përbashkëta.

“Dua e di se sa e rëndësishme është të gjesh dikë që e kupton industrinë e saj. Ajo mendon se Romain e kupton plotësisht. Ata të dy janë njerëz vërtet krijues”, tha burimi.