Ka vdekur veterani i UÇK-së, Isa Gashi.

Njoftimin për vdekjen e tij e ka bërë kryetari i Ferizajt, Agim Aliu.

“Isa Gashi me jetën e veprën e tij, duke qenë kontributplotë në luftën tonë çlirimtare, duke u shquar me veprën e tij profesionale e shembullin njerëzor që kudo dëshmoi, la prapa një trashëgimi të çmuar për Ferizajn e ferizajasit”, ka thënë Aliu ndër të tjera.

Postimi i plote:

TELEGRAM NGUSHËLLIMI
Me dhembje e pikëllim të thellë, mora lajmin për ndarjen nga jeta të bashkëqytetarit tonë të shquar, veteranit të Ushtrisë Çlirimtare të Kosovës, fotografit të luftës sonë çlirimtare, ferizajasit respektplotë, Isa Gashi.
Isa Gashi me jetën e veprën e tij, duke qenë kontributplotë në luftën tonë çlirimtare, duke u shquar me veprën e tij profesionale e shembullin njerëzor që kudo dëshmoi, la prapa një trashëgimi të çmuar për Ferizajn e ferizajasit.
Sot, dhembja ka pllakosur secilin nga ne që e njohëm e bashkë punuam me të ndjerin. Zemra e tij pushoi së rrahuri përgjithmonë, por kujtimi që lë pas me veprën e tij, do të jetoj e frymëzoj ndër breza.
Ngushëllime të sinqerta familjes Gashi, bashkëluftëtarëve, miqve e të njohurve të të ndjerit!
Qoftë i përjetshëm, kujtimi i tij!