Policia e Kosovës ka dhënë detaje për vdekjen e dyshimtë në Prishtinë.
Agron Borovci, zëdhënës i Policisë për Rajonin e Prishtinës, ka thënë për FrontOnline se ngjarja ka ndodhur rreth orës 06:20 në mëngjes.
“Sot rreth orës 06:20 policia ka pranuar informatën për një person pa shenja jete në rrugën “Sokol Sopi” në Prishtinë”, ka thënë ai.
Sipas tij menjëherë pas marrjes së informatës policia dhe ekipi i mjekëve emergjent kanë dalë në vendin e ngjarjes, ku nga ekipi mjekësor është konfirmuar se viktima, mashkull është pa shenja jete.
Mbështetur në të dhënat e para nga vendi i ngjarjes dyshohet për vetëvrasje, përderisa policia në koordinim me prokurorin e shtetit po punon për ndriçimin e plotë të rrethanave të ngjarjes/Frontonline