Një 29-vjeçar me inicialet M.Sh. ka vdekur si pasojë e një aksidenti që ka ndodhur sot mes dy automjeteve në vendin e quajtur “Shkalla e Tujanit”, në Tiranë.
Policia e Shtetit ka bërë të ditur se aksidenti ka ndodhur rreth orës 16:55, dhe se i lënduar është edhe një 25-vjeçar me inicialet H.L., i cili ishte pasagjer në automjetin e viktimës.
Sipas policisë “rreth orës 16:55, automjeti me drejtues shtetasin O. N., rreth 35 vjeç është përplasur me automjetin me drejtues shtetasin M. Sh., rreth 29 vjeç”.
Sipas A2CNN, grupi hetimor ndodhet në vendngjarje dhe po punon për sqarimin e rrethanave të aksidentit.
