Volejbollistet e Kosovës kanë arritur në Nitra të Sllovakisë, ku do ta zhvillojnë fazën e dytë të kualifikimeve për CEV EuroVolley 2021.
Përfaqësuesja e drejtuar nga Lorik Ilazi, në mëngjesin e sotëm rreth 3:30 është nisur nga aeroporti “Adem Jashari”, dhe ka arritur në aeroportin e Vjenës, për të vazhduar drejt qytetit Nitra në Sllovaki (95,9 km në perëndim të Bratisllavës), përcjell FrontOnline.
Në orën 09:30, “Dardanet” i janë nënshtruar testeve rapide COVID-19, ku të gjithë anëtarët e delegacionit kanë rezultuar negativë.
Sonte Kosova e zhvillon stërvitjen e parë në Nitra, kurse ndeshja e parë zhvillohet nesër nga ora 20:30 ndaj Finlandës./FrontOnline/
