Më e vogla nga tre vajzat e aktorëve të famshëm të Hollivudit, Bruce Willis dhe Demi Moore, Talula Willis, ka folur shumë hapur dhe sinqerisht në lidhje me luftën e saj me dismorfinë fizike në vitet e fundit, dhe tani ajo ka zbuluar se ajo ishte “mërzitur” si fëmijë për dukjen më shumë si baba sesa si nëna. “Unë e ndëshkoja veten sepse nuk dukesha si nëna ime, pasi të gjithë vazhdonin të më thoshin se isha një ‘binjak i babait’ që nga lindja … Unë fajësoja veten për atë ngjashmëri dhe besoja se fytyra ime krejt mashkullore ishte arsyeja që unë të tjerëve nuk u pëlqeja”, e ka pranuar Talula 27-vjeçare në një postim në Instagram, ku përshkroi me detaje betejën e saj me një çrregullim fizik, dismorfia.

Me kalimin e kohës, shton ajo, megjithatë ka mësuar se si të merret me pasigurinë. “Unë kam qenë dhe jam ende e vlefshme në vetvete, në çdo fazë të jetës, pa marrë parasysh madhësinë trupore që kam, pa marrë parasysh flokët që kam në atë kohë!  Ashtu si ju! Plakja ndodh pa kontrollin tuaj, koha kalon dhe është normale që fytyr të ndryshojë … Njerëzit para së gjithash duhet të shërojnë plagët në shpirtin e tyre para se të përpiqen të rregullojnë atë që është jashtë, atë që është fizike”, tha vajza e çiftit Hollywood. Ajo u bëri thirrje të tjerëve që jetojnë me çrregullime dismorfike të trupit “të mos kenë turp”. Përndryshe, çrregullimi i përmendur përcaktohet si një preokupim i një defekti imagjinar ose të vogël estetik që shkakton ankth të rëndësishëm ose ndërhyn në veprime shoqërore, profesionale ose të tjera./FrontOnline/