Vajza e vogël e aktorit David Hasselhoff,  28-vjeçarja Hayley, hyri në histori si ballinën e revistës Playboy, si modelja e parë me forma të plota trupore që pozon për kopertinën e Playboy.

Babai i saj që ishte ikonë e viteve ’80, i njohur për rolin e Mitch në serinë e popullarizuar “Baywatch”, kohë më parë u martua me nj vajzë 28 vjet më të re se ai. Ndërsa tani vajza e tij 28-vjeçe, ka vendosur të tregoj format e plota të trupit të saj për revistën më të njohur erotike.

Ajo publikoi ballinën e edicionit gjerman të kësaj reviste në Instagram, ku theksoi se ishte e nderuar me rastin, dhe zbuloi për mediat se çfarë mendon babai i saj për këtë. “Babai im më mbështet në të gjitha vendimet që marr në karrierën time. Nëna dhe babai im më kanë mbështetur gjithmonë në gjithçka që kam bërë”, tha ajo për Daily Mail.

“Unë kam qenë në industrinë e modës që kur isha 14 vjeç dhe që atëherë kam qenë një model me forma të plota të trupit. Kur ata shohin se ku jam sot, prindërit e mi janë shumë krenarë për mua dhe besojnë në vendimet e mia, siç besoj në ato të tyre”, shtoi ajo./FrontOnline/