Shtëpia më e madhe e futbollit evropian, UEFA ka filluar procedurat disiplinore kundër Barcelonës, Juventusit dhe Real Madridit për shkak të pjesëmarrjes së tyre në formimin e Superligës evropiane, raporton BBC, përcjell FrontOnline.

Këto tri klube ishin pjesë e 12 skuadrave që tentuan ta krijonin Superligën, por dështuan.

Barcelona, Real Madridi dhe Juventusi refuzuan të heqin dorë nga projekti, ndryshe nga nëntë klubet tjera, andaj UEFA filloi procedurat disiplinore kundër tyre.

“Pas një hetimi nga inspektorët etikë dhe disiplinorë të UEFA-së në Superligën evropiane, procedimet disiplinore kanë nisur ndaj Juventusit, Barcelonës dhe Real Madridit për shkak të shkeljeve të mundshme të kornizës ligjore të UEFA-së”, thuhet në njoftim.

UEFA ka njoftuar se gjithashtu informacione më të hollësishme do të publikohen më vonë./FrontOnline/