Është “ndoshta” koha për një sekretar të përgjithshëm të NATO-s që vjen nga Britania e Madhe, duket të ketë sugjeruar presidenti amerikan, Joe Biden.
Ky i fundit ka takuar për herë të parë në Shtëpinë e Bardhë kryeministrin e Britanisë së Madhe, Rishi Sunak.
Në një konferencë shtypi, Biden nëse është koha që një britanik të jetë në krye të aleancës më të madhe ushtarake në botë, NATO-s – pas më shumë se dy dekada?
“Ndoshta, kjo mbetet për t’u parë. Ne do të duhet të marrim një konsensus brenda NATO-s për të parë që të ndodhë kjo”, tha ai.
“Ata kanë një kandidat që është një individ shumë i kualifikuar, por ne kemi shumë diskutime, jo mes nesh, por në NATO, për të përcaktuar se cili do të jetë rezultati i kësaj”, pohoi lideri amerikan.
Sekretari i Mbrojtjes së Britanisë së Madhe, Ben Wallace ka shprehur prej kohësh interesim për postin kryesor të aleancës.
Ndryshe, mediat kanë raportuar se për kreun e NATO-s, kandidat është edhe kryeministri i Shqipërisë, Edi Rama si dhe ish-presidentja kroate, Kolinda Grabar-Kitaroviq. /Telegrafi
