Sot në selinë e Federatës së Futbollit të Kosovës është hedhur shorti për rrethin e parë të Kupës së Kosovës në konkurrencën e femrave.

Në këtë rreth do të zhvillohen katër ndeshje, të cilat pritet të jenë tejet rivalizuese dhe emocionuese.

Në shortin e hedhur, krahas përfaqësuesve të klubeve, ishin të pranishëm edhe Valbona Gashi Uka, shefe e futbollit të femrave, Agron Shosholli, anëtar i Komisionit të Garave dhe Bujar Abdullahu, administrator i ligave të femrave.

Ekipet kryesuese të Superligës së Kosovës, përkatësisht Mitrovica, Dukagjini, Malisheva dhe Ulpiana, do t’i bashkohen garave në rrethin e dytë.

Ndeshjet e këtij rrethi do të zhvillohen më 25 mars 2025 dhe do të jenë si më poshtë:

Llapi – Vizioni
Presingu – Intelektualet
Prishtina – Feronikeli
Kosova VR – Jakova.