U.d presidentes, Vjosa Osmani ka takuar ambasadorët e QUINT-it menjëherë pas marrjes së kësaj detyre.

Në njoftimin e zyrës për media të Presidencës thuhet se ajo i ka njoftuar ambasadorët për zhvillimet e fundit politike në vend dhe për rolin e saj në detyrën e re.

Ajo tha se do të punojë me të gjitha institucionet relevante për ta forcuar jetën politike dhe institucionale.

Ky është njoftimi i plotë i presidencës:

U.d. Presidentja takoi ambasadorët e Kuintit dhe të Zyrës së BE-së

U.d. e Presidentes, dr. Vjosa Osmani, takoi sot shefin e Zyrës së BE-së, në Kosovë,z. Tomas Szunyog, si dhe ambasadorët e vendeve të Kuintit.

Znj. Osmani i informoi ambasadorët e Kuintit me zhvillimet e fundit politike në vend dhe rolin e saj si ushtruese e detyrës së Presidentes në ruajtjen e stabilitetit institucional, unitetin politik, si dhe maturinë dhe kujdesin të cilin institucionet e vendit po e tregojnë në këtë fazë.

Ajo tha se do të punojë fuqishëm me të gjitha institucionet e vendit, partitë politike dhe ambasadat e vendeve mike, për ta forcuar më tej jetën politike dhe institucionale në vend.

Ambasadorët e vendeve të Kuintit dhe ai i BE-së e siguruan u.d. Presidenten Osmani për përkrahjen e mëtejme të vendeve të tyre për popullin dhe institucionet e Kosovës, si dhe i dëshiruan sukses në përgjegjësitë e reja, të cilat ia jep Kushtetuta e vendit.