Kryetari i Partisë Demokratike, Sali Berisha, ka folur për tarifat e vendosura nga administrata e Presidentit Donald Trump ndaj vendeve të Europës, mes të cilave është edhe Shqipëria.
Përmes një konference për mediat, Berisha tha se pas zgjedhjeve të 11 majit, qeveria e PD-së (nëse fiton) do të bëjë negociata të hapura me SHBA-të për tarifat, raporton A2CNN.
Ai tha gjithashtu se ishte optimist, pasi sipas tij, për Shqipërinë janë përdorur, në një shikim të parë, tarifat më të ulëta se për vendet e tjera. E njëjta gjë sipas tij është edhe për Kosovën.
