Facebook ka reaguar zyrtarisht ndaj Donald Trump pas deklaratës së tij se është fitues i zgjedhjeve presidenciale në SHBA.

Facebook i është përgjigjur deklaratës së pabazuar të Presidentit Donald Trump për fitore në zgjedhje, raporton The Guardian.

“Sapo Presidenti Trump filloi të bënte pretendime të parakohshme të fitores, ne filluam të marrim njoftime të nivelit më të lartë në Facebook dhe Instagram në mënyrë që të gjithë të dinë se votat ende numërohen dhe fituesi nuk është përcaktuar”, tha një zëdhënës i Facebook për NBC News.

Miliona vota legjitime janë ende duke u numëruar në shtetet thelbësore të Pensilvanisë, Michigan dhe Wisconsin dhe të tjera që ende mund të përcaktojnë rezultatin e zgjedhjeve.

Zyrtarët e zgjedhjeve thonë se mund të kalojnë disa ditë para se të konfirmohet fituesi në këto shtete.

Më parë, Twitter ndërmori hapa të ngjashëm për të kundërshtuar informacionin mashtrues rreth rezultatit të zgjedhjeve. Ai vendosi një paralajmërim në një postim nga Trump në të cilën ai tha, pa prova, se “ata po përpiqen të VJEDHIN ZGJEDHJET”.