Khloe Kardashian dhe Tristan Thompson janë së bashku që nga viti 2016 dhe janë prindër të vajzës së tyre True. Kohët e fundit ka pasur zëra se çifti është ndarë, pasi basketbollisti thuhet se mashtroi sërish bukuroshen, transmeton FrontOnline. Miqtë e ish çiftit i thanë se ndarja dyshohet se erdhi pasi modelja Sydney Chase tha se kishte një lidhje me Tristan në fillim të këtij viti. Përveç kësaj, një burim tjetër pretendon se basketbollisti kohët e fundit u mbyll në një dhomë hoteli me tre vajza në një aheng privat në Bel Air. Basketbollisti dhe ylli i realitetit u ndanë për herë të parë në 2019 pasi e tradhtoi atë me Jordyn Woods, shoqja më e mirë e motrës së Khloe, Kylie Jenner.

Khloe tani ka festuar ditëlindjen e saj të 37-të, dhe Tristan kushtoi postimin e tij të fundit në profilin e saj në Instagram. Ai postoi një seri fotografish të tyre, në të cilat pozojnë të përqafuar dhe nën shoqërinë e vajzës së tyre. “Gëzuar ditëlindjen, Khloe. Faleminderit që ishe jo vetëm një partnere mahnitëse, mami dhe shoqja më e mirë, por edhe personi më i mirë, më i dashur që kam takuar ndonjëherë. Dashuria dhe shpirti juaj janë ngjitëse për të gjithë ata që ju kanë takuar ndonjëherë. Faleminderit që gjithnjë ishe aty për mua dhe që vendosët familjen tonë në radhë të parë. Te dua shumë. Ju uroj një ditë të shkëlqyeshme”, shkroi Thompson në përshkrimin e postimit, me çka demantoi se ata janë ndarë./FrontOnline/