Java e 30-të në Superligën e Kosovës në futboll vazhdon sot me tri përballje tejet interesante.

Padyshim, kryendeshja e sotme dhe e kësaj xhiro do të zhvillohet në stadiumin e qytetit në Gjilan, shkruan FrontOnline.

Në Anamoravë, Drita dhe Prishtina do të përballen mes vete në një përballje të rëndësishme për titullin e kampionit.

“bet365” ka publikuar tashmë kuotat për këtë ndeshje, ku fitorja e Dritës kuotohet me 5.50, barazimi me 3.75, kurse fitorja e Prishtinës me 1.50.

Nga ana tjetër, Ballkani që gjithashtu është në garë për titull, në Suharekë e pret Gjilanin e Ismet Munishit.

Nga kompania e lartëcekur e basteve, fitorja e Ballkanit kuotohet me 1.40, barazimi me 4.33, kurse fitorja e Gjilanit me 6.00.

Dhe për fund, Llapi është nikoqir i Trepçës ’89 në “duelin e mbijetesës” në “Zahir Pajaziti” në Podujevë.

Fitorja e Llapit kuotohet me 1.73, barazimi me 3.40, kurse fitorja e Trepçës ’89 me 4.20.

Të trija ndeshjet nisin nga ora 15:00./FrontOnline/