Tre persona janë lënduar në një aksident që ndodhi sot mes trenit të linjës Prishtinë – Pejë dhe një veture, në fshatin Pavlan.

Zëdhënësi i policisë për rajonin e Pejës, Fadil Gashi, konfirmoi  për FrontOnline se incidenti ndodhi rreth orës 10:00. Ai tha se policia u njoftua për aksidentin dhe menjëherë dërgoi njësitet e saj në vendngjarje.

“Si pasojë e këtij aksidenti, tre persona kanë pësuar lëndime trupore dhe janë dërguar në emergjencën e Spitalit Rajonal në Pejë për tretman mjekësor,” tha Gashi për FrontOnline.

Policia po zhvillon hetime për të sqaruar rrethanat e këtij aksidenti.

Të dhënat e mëtejshme do të publikohen pas përfundimit të hetimeve.