Futbollisti i Barcelonës, Gerard Pique (35) dhe këngëtarja Shakira (45) konfirmuan spekulimet për ndarjen të shtunën. Ata ishin bashkë për 12 vjet dhe Shakira bëri një deklaratë në emër të saj dhe të Gerardit, duke kërkuar që të respektohet privatësia e tyre.

Mirëpo mediat spanjolle tani shkruajnë se vendimi nuk ka qenë i dyanshëm, por se këngëtarja e ka marrë vetë dhe përveç publikut ka befasuar edhe partnerin e saj shumëvjeçar.

“Dikush shumë i afërt me Pique-n më bindi se nuk ishte pabesi”, ka thënë gazetari Jose Antonio Aviles, shkruajnë mediat spanjolle.  “Deklarata e saj, si dhe ndarja, ishin një surprizë e madhe”, shtoi Jose.

Përkatësisht, i njëjti gazetar pretendon se futbollisti dhe këngëtarja janë në një ‘marrëdhënie të hapur’ prej disa vitesh.

Marrëveshja e tyre ishte: “ti bëj çfarë të duash dhe unë do të bëj atë që dua unë”, por ata u paraqitën në publik si një çift harmonik – tregon Jose, duke pretenduar se të gjitha këto i ka mësuar nga burime pranë yllit të futbollit.

Në emër të të dyve flet konfirmimi me të cilin Shakira njoftoi përfundimin e publikut. “Na vjen keq të konfirmojmë ndarjen tonë. Për të mirën e fëmijëve tanë, të cilët janë prioriteti ynë më i lartë, ju lutemi respektoni privatësinë e tyre. Faleminderit për mirëkuptimin”, ka thënë këngëtarja, shkruan Daily Mail.

Çifti është së bashku që nga viti 2011, dhe u njohën në xhirimet e një videoklipi për këngën e saj nga Kupa e Botës “Waka Waka” vitin e kaluar. Edhe pse nuk u martuan kurrë, Shakira dhe Gerard patën dy djem gjatë lidhjes, Milanin (9) dhe Sasha (7).

Gjatë javës së kaluar, edhe para njoftimit të ndarjes, në media u përfol se Pike e tradhtoi këngëtaren. Gjithashtu, burime pranë çiftit pohuan për mediat e huaja se çifti prej disa muajsh jeton në adresa të ndryshme./FrontOnline/