Toyota Land Cruiser i vitit 2024 është dëshmuar tashmë si një sukses në Evropë, pasi u deshën vetëm 30 minuta që seria e parë prej 1000 njësive të shitej në Gjermani, transmeton FrontOnline.

Blerësve të interesuar gjermanë iu dha një vështrim i parë i gjeneratës së re Land Cruiser në shtator.

Katalogu i porosive u hap në orën 8 të mëngjesit të 21 dhjetorit, vetëm për t’u mbyllur 30 minuta më vonë, pasi grupi fillestar ishte rezervuar tashmë. Klientët e rinj tani duhet të aplikojnë në listën e pritjes.

Tre versione të modelit të ri janë në dispozicion në Gjermani: Executive, Tec dhe First Edition.

Kompania nuk specifikoi se sa automjete të secilit version do të jenë në serinë fillestare prej 1000 veturash, por më parë konfirmoi se në të gjithë Evropën Land Cruiser First Edition do të kufizohet në 3000 njësi.

Dorëzimi për klientët gjermanë nuk do të fillojë deri në tremujorin e tretë të 2024.

Land Cruiser i ri në Evropë është i disponueshëm me një njësi turbo-dizel me 2.8 litra.

Motori prodhon një maksimum prej 204 kuaj-fuqi (150 kW) dhe shoqërohet me ndërrues të ri automatik me tetë shpejtësi “Direct Shift”, duke i dhënë atij fuqinë për të tërhequr një ngarkesë deri në 3,500 kilogramë.

Në fillim të vitit 2025, një veturë elektrizuar do të jetë e disponueshme që kombinon një motor të fuqishëm dhe efikas dizel me teknologjinë hibride “të lehtë” prej 48 volt./FrontOnline/