TikTok ndaloi së punuari në Shtetet e Bashkuara të shtunën vonë dhe u zhduk nga dyqanet e aplikacioneve Apple dhe Google përpara hyrjes në fuqi të ligjit këtë të diel që kërkon mbylljen e aplikacionit të përdorur nga 170 milionë amerikanë.

Presidenti i sapozgjedhur Donald Trump tha më herët gjatë ditës se “me shumë gjasa” do t’i jepte TikTok një pezullim 90-ditor nga ndalimi pasi të merrte detyrën të hënën, një premtim që TikTok citoi në një njoftim të postuar për përdoruesit në aplikacion.

TikTok, i cili është në pronësi të Bait Dens të Kinës, njoftoi paraprakisht përdoruesit se nuk mund ta përdorin TikTok në SHBA për momentin. ‘’Jemi me fat që Presidenti Trump ka treguar se do të punojë me ne për një zgjidhje për të rivendosur TikTok sapo të marrë detyrën Ju lutemi qëndroni të sintonizuar.” Edhe aplikacionet e tjera në pronësi të kompanisë kineze janë të padisponueshme tashmë në SHBA, si ai i redaktimit të videove Capcut apo dhe aplikacioni social i stilit të jetës Lemon8. /A2cnn