Anglia u përball me Letoninë të hënën në mbrëmje.
Tifozët kanë reaguar në rrjetet sociale pasi vunë re diçka ‘të gabuar’ në paraqitjen e Marcus Rashford me Anglinë.
Të hënën në mbrëmje, Thomas Tuchel drejtoi ndeshjen e tij të dytë si trajner i Anglisë, ndërsa Tre Luanët pritën Letoninë në Wembley për një ndeshje kualifikuese të Kupës së Botës 2026.
Siç pritej, Anglia dominoi nga fillimi deri në fund, me golat e Reece James, Harry Kane dhe Eberechi Eze që vulosën një fitore rutinë 3-0.
Pas ndeshjes, tifozët nisën të pyesnin veten për paraqitjet e fundit të Rashford dhe ngritën dyshime nëse ai po luan shumë i sigurt.
Një tifoz shkroi: “Duket gabim të shohësh një paraqitje të Rashford ku ai përpiqet vetëm të krijojë, në vend që të hyjë brenda dhe të godasë e të shënojë”.
“Teknika e tij e krosimit është e paqëndrueshme dhe është e qartë që ai është një lojtar që mendon fillimisht për gjuajtjen, thjesht nuk e di pse po luan kaq i kujdesshëm kohët e fundit për klubin/kombëtaren.”
Një tjetër shtoi: “Më duket sikur e vetmja periudhë kur kishte ekuilibër në lojën e tij ishte gjatë pandemisë së COVID-it.”
Një tifoz tjetër komentoi: “Mendoj se ende vuan nga mungesa e vetëbesimit.”
Një tjetër shkroi: “Besoj se besimi i tij është i lëkundur, gjë që është për të ardhur keq. Eze hyri në fushë dhe menjëherë filloi të depërtonte dhe përfundimisht shënoi një gol. U zhgënjeva që Rashford nuk mundi të bënte të njëjtën gjë për shumicën e lojës.”
Një tifoz e mbrojti 27-vjeçarin duke shkruar: “Gjithsesi, luajti mirë. Ishte një nga më të mirët në fushë.”
Rashford luajti 74 minuta kundër Shqipërisë të premten në mbrëmje përpara se të zëvendësohej nga Anthony Gordon. Ndërsa ndaj Letonisë, ai u largua nga loja 11 minuta para fundit të ndeshjes, duke ia lënë vendin Curtis Jones.
Pas ndeshjes kundër Shqipërisë, Tuchel u shpreh se priste më shumë nga Rashford dhe Phil Foden.
“Shpresojmë për më shumë ndikim nga këto pozicione. Më shumë driblime dhe më shumë depërtime agresive drejt zonës. Në përgjithësi, kjo mungoi. Rastet vijnë nga vrapimet e vogla pas vijës mbrojtëse. I mungonte pak vendosmëria, nuk ishin aq të vendosur sa mund të jenë”, tha ai. /GazetaExpress/
