Tifogrupi i njohur shqiptar “Shvercerat” kanë treguar edhe një herë mbëështetjen e tyre për Kombëtaren e Shqipërisë.

Tifozët shkupjan që përkrahin Klubin e Futbollit Shkupi kanë publikuar një fotografi gjatë një grumbullimi në një nga ndeshjet e Kombëtares së Shqipërisë për ta bërë të qartë edhe një herë se cilën kombëtare e përkrahin, shkruan Demokracia.com.

“Shvercerat gjithmonë Kuq e Zi”, kanë shkruar ata në faqen zyrtare.

Ky postim i tifozëve shqiptarë vjen pasi Maqedonia e Veriut bëri dje debutimin e parë historik në Kampionatin Evropian të futbollit “Euro2020”.

Kujtojmë se pjesë e ekipit përfaqësues të Maqedonisë së Veriut janë shumë shqiptarë.

Katër lojtarë shqiptarë u paraqitën sonte në takimin e parë ku Maqedonia e Veriut pësoi humbje 3-1 nga Austria.