Policia e Kosovës ka njoftuar se një i mitur është therë me thikë mbrëmë në Prishtinë.
Policia, për këtë rast është njoftuar rreth orës 18:30.
Personi i lënduar G.P. mashkull, i mitur, është dërguar për tretman mjekësor.
Kurse, personi i arrestuar G.O. është dërguar në qendrën e mbajtjes, dhe ndaj tij është iniciuar rasti vrasje në tentativë.
Njoftimi i plotë:
Arrestohet një person i dyshuar për tentim vrasje
Mbrëmë rreth orës 18 :30, kemi marrë informatën se një person i lënduar ndodhet në rrugën Bill Klinton në Prishtinë, i cili kishte pësuar lëndime trupore që dyshohet të jenë të shkaktuara nga një mjet i mprehtë ( thikë).
Personi i lënduar G.P. mashkull, i mitur, është dërguar për tretman mjekësor, ndërkohë që njësitet policore të stacioni Jugu në Prishtinë të mbështetur nga njësiti i hetimeve të përgjithshme, menjëherë kanë filluar ndërmarrjen e verimeve operativo-hetimore dhe kanë arritë të arrestojnë një person të dyshuar.
Personi i arrestuar:
pas intervistimit, me urdhër të prokurorit të shtetit është dërguar në qendrën e mbajtjes, ndaj tij është iniciuar rasti vrasje në tentativë.
