Ministri i Brendshëm, Xhelal Sveçla, ka njoftuar se tetë persona janë arrestuar pas bastisjeve që ka kryer Policia e Kosovës të shtunën në veri, një ditë pas shpërthimit në kanalin e Ibër-Lepencit, raporton FrontOnline.

Në një konferencë për media, Sveçla njoftoi se bastisjet janë kryer në 10 lokacione të ndryshme, derisa shtoi se është konfiskuar një arsenal armësh, municion, eksplozivë, uniforma ushtarake dhe emblema,

E drejtori i Policisë, Gazmend Hoxha, ka thënë se tri sulmet e fundit në veri janë kualifikuar si “sulme terroriste” që kanë pasur synim ta cenojnë sigurinë e Kosovës. /FrontOnline/