Tetë të dyshuar janë arrestuar në rrugën “1 Tetori” në Prishtinë të hënën, pasi të njëjtit janë kapur duke luajtur bixhoz.

Në raportin e policisë thuhet se në vendin e ngjarjes në cilësi të provave materiale janë gjetur dhe konfiskuar letra bixhozi, si dhe qipa të cilët shërbejnë për të luajtur bixhoz.

“Rr. 1 Tetori, Prishtinë 27.03.2023-23:30 Janë arrestuar 8 të dyshuar meshkuj kosovarë pasi të njëjtit janë takuar duke luajtur bixhoz. Në vendin e ngjarjes në cilësi të provave materiale janë gjetur dhe konfiskuar letra bixhozi si dhe qipa të cilët shërbejnë për të luajtur bixhoz. Me vendim të prokurorit të dyshuarit jenë liruar,  rasti vazhdon në procedurë të rregullt”, njofton policia.