Tesla Cybertrucks janë bërë simbolike. Por ndoshta jo ashtu siç shpresonte CEO i Tesla, Elon Musk.

Dhe kjo dëshmohet në një rast në Florida, ku gati tri duzina Cybertrucks u vandalizuan këtë javë – me mesazhe nënçmuese që synonin posaçërisht Musk.

Bëhet fjalë për një ngjarje e paraqitur përmes disa pamjeve që tregojnë pasojat e vandalizmit në një parking në Fort Lauderdale dhe të publikuara në rrjetet sociale.

Pamjet – të shpërndara në llogarinë Only in Broward – treguan një flotë Cybertrucks me frazën “Fuck Elon” me spray nëpër pjesët e jashtme metalike.

Njeriu që filmoi videon tha se Tesla kohët e fundit mori me qira parkingun dhe Cybertrucks filluan të mbërrinin tri ditë më parë.

“Duket sikur dikujt nuk i pëlqen Elon…”, shkruhej në mbishkrim.

Autoritetet lokale i thanë NBC Miami se 34 automjete ishin vandalizuar brenda parkingut, ku ndodheshin Cybtertrucks dhe modele të tjera Tesla. /Telegrafi/