×
  • Lajme
  • Lajme

    Të shtunën provohet edhe njëherë, krejt çka ndodhi në seancën e dytë të dështuar për konstituimin e Kuvendit

    FrontOnline
    18 Prill 2025

    Dje ka dështuar për herë të dytë konstituimi i përbërjes së legjislaturës së re të Kosovës, e dalë nga zgjedhjet e 9 shkurtit, duke thelluar edhe më shumë krizën institucionale që po zgjat për më shumë se dy muaj.

    Kryesuesi i seancës konstituive, Avni Dehari nga Lëvizja Vetëvendosje, në hapje të seancës ftoi përfaqësuesit e partive politike për konsultime, duke theksuar nevojën për të shmangur “shkelje procedurale, ligjore dhe kushtetuese”.

    Pas këtyre konsultimeve, Dehari njoftoi se nuk ishte arritur konsensus mes subjekteve politike dhe se seanca do të vazhdojë më 19 prill në ora 12:00. Ai deklaroi se letra e presidentes Vjosa Osmani, që i ishte dërguar Kuvendit, “ka dhënë sqarime në një aspekt, por jo zgjidhje përfundimtare”, duke u bërë thirrje deputetëve që të tregojnë vullnet për ta zhbllokuar procesin.

    Prandaj, dje për herë të dytë dështoi konstituimi i Kuvendit.

    Por, këtë herë nuk u hodh fare në votim raporti i Komisionit që do ta verifikonte kuorumin dhe mandatet.

    Papajtueshmëria e pozitave ekzekutive me mandatin e deputetit dhe mungesa e një zgjidhjeje politike po e thellojnë edhe më tej bllokadën. Analistët paralajmërojnë se e vetmja rrugëdalje është Gjykata Kushtetuese.

    Eugen Cakolli nga KDI, organizatë që monitoron punën e Kuvendit, konsideron se dje duhej të dilte një raport i ri dhe më pas të votohej.

    “Raporti i komisionit nuk është votuar dhe nuk ka efekt juridik. Duhej të rikthehej në komision, të dilte një raport i ri dhe më pas të votohej, kjo është procedura”, ka thënë Cakolli.

    Cakolli sheh dy rrugë: ose dorëheqje formale të ministrave, ose votim të raportit me shumicë të thjeshtë, nëse sigurohet një marrëveshje politike.

    Por, që sipas tij, ky i fundit mund të sfidohej në Gjykatën Kushtetuese.

    “Çdo shmangie nga zgjidhja kushtetuese bart rrezik që Gjykata ta kthejë të gjithë procesin në pikën zero”, ka shtuar Cakolli.

    Sidoqoftë, mbetet të shihet se si do të rrjedhë seanca e së shtunës, e cila i bie të mbahet pa bërë 48 orë të tjera nga thirrja e seancës konstituive.

    Reagimet e ashpra ndërkombëtare

    Kriza institucionale ka nxitur gjithashtu reagime nga ambasadorët ndërkombëtarë në Kosovë.

    Ambasadori i Britanisë së Madhe, Jonathan Hargreaves, kërkoi formimin urgjent të institucioneve të reja.

    “Kosova ka nevojë për një Kuvend dhe Qeveri funksionale. Populli ka të drejtë të presë përgjegjësi dhe bashkëpunim politik”, shkroi ai në rrjetet sociale.

    Edhe ambasadori i Gjermanisë, Jorn Rohde, shprehu zhgënjimin e tij me ngecjen e procesit.

    Ai kritikoi taktikat obstruktive të partive politike, duke thënë se qytetarët meritojnë udhëheqës që vendosin interesin e Kosovës përpara politikës partiake.

    Seanca e djeshme ishte vazhdim i asaj të 15 prillit, e cila gjithashtu përfundoi pa asnjë vendim. Në sallë ishin të pranishëm 100 deputetë, ndërsa 52 prej tyre ishin shprehur në përkrahje të raportit, duke përmbushur shumicën e thjeshtë të kërkuar. Megjithatë, raporti nuk u hodh fare në votim.

    Përderisa partitë politike nuk po gjejnë gjuhë të përbashkët, vendi mbetet në një ngërç institucional me pasoja të drejtpërdrejta për stabilitetin politik dhe funksionimin demokratik të shtetit.

    Nga Rubrika
    Lajme31 Maj 2025
    Kreu i AAK-së, Ramush Haradinaj ka folur para seancës së 24-të për konstituimin e Kuvendit të Kosovës. Haradinaj shkurtimisht tha se “nuk...
    Lajme31 Maj 2025
    Deputetja e NISMA-s, Xhevahire Izmaku, ka thënë se partia e saj konsideron që në këto momente, Kuvendit të Kosovës në krye i...
    Lajme31 Maj 2025
    Kreu i NISMA-s në Prizren, Zafir Berisha, ka reaguar pas raportimeve në media për shpenzimet e kryeministrit në detyrë, Albin Kurti, për...
    Të tjera
    Lajme31 Maj 2025
    Ujësjellësi i Prishtinës ka njoftuar se sot do të mbesin pa ujë pesë lagje të Prishtinës për shkak të disa punimeve. Nga...
    Kronika31 Maj 2025
    Në Ferizaj janë arrestuar dy motra, pasi të njëjta janë fjalosur mes vete dhe më pas kanë sulmuar njëra – tjetrën. Policia...
    Kronika31 Maj 2025
    Policia e Kosovës njofton se të premten më datë 30 maj, në Vërmicë kishin kishin gjetur dhe konfiskuar 21 sfera metalike nga...
    Kronika31 Maj 2025
    Një vajzë është raportuar e zhdukur në rrugën “Nëna Terezë” në Fushë Kosovë. Babai i saj në polici ka raportuar se vajza...
    Kronika31 Maj 2025
    Pasditen e 30 majit, në Prishtinë ndodhi një ngjarje jo fort e zakonshme. Një burrë ka shtënë me armë zjarri në drejtim...
    Kronika31 Maj 2025
    Një burrë në Lipjan dyshohet se ka dhunuar një grua, e cila më pas ka marrë tretman mjekësor. Për ngjarjen që ka...
    -->

    FrontOnline, © 2025 Të gjitha të drejtat e rezervuara.