“Të rritur në lloçin e Kosovës, të etur për triumf dhe finalen e madhe” – reagimi nga Dukagjini, pas fitores ndaj Istogut

Skuadra e Dukagjinit ka shënuar fitore të madhe në ndeshjen e parë gjysmëfinale të Kupës, shkruan Zeri.info.

Skuadra nga Klina sot shënoi fitore si mysafire e Istogut me rezultatin 1-2, një rezultat që i jep përparësi të madhe “Hithave” për ndeshjen e kthimit.

Shkaku i kushteve atmosferike, kjo ndeshje u zhvillua në një terren të papërshtatshëm për lojë dhe të rënduar nga lloçi.

Faqja zyrtare e KF Dukagjinit ka publikuar disa foto nga kjo ndeshje, teksa u theksua edhe njëherë dëshira për të kaluar në finale të Kupës.

Postimi nga KF Dukagjini (pa ndërhyrje):

“Te rritur ne lloqin e Kosovës, të etur për triumfin dhe finalen e madhë. Beteja e parë u fitua!

Kur kushtet atmosferike edhe fusha nuk të ofrojnë mundësi për loje. Vjen ne shprehje vullneti, deshira dhe passioni, për çdo milimetër!”.

Bonus dhe Premium Kartela të cilat po i ofron Petrol Company, kartelat më të kërkuara nga klientët

Sponsoruar