Shefi i grupit parlamentar i PDK-së, Abelard Tahiri, ka thënë se buxheti për vitin 2025 nuk duhet të hidhet farë në votim.

Sipas tij, ai është i kontaminuar dhe mbështet skema kriminale.

“Votimi i këtij projektbuxheti domethënë mbështetje e një planifikimi kriminal mbi ato subvencione dhe grante që janë të planifikuara dhe tashmë kanë filluar t’i marrin edhe paratë ata njerëz që janë të involvuar në këto skema kriminale. Ky është buxhet i kontaminuar, buxhet i cili mbështet skema kriminale prandaj mendoj që ky buxhet do të duhej me iu nënshtru edhe një diskutimi të thellë dhe jo në afate të përshpejtuara dhe procedura të shkurtuara siç edhe ka ndodhur”, u shpreh Tahiri.