Australia e ka shokuar Francën duke e eliminuar nga Kupa e Botës, në konkurrencën e femrave.
Australianet ishin më të sakta nga penaltitë, duke arritur në gjysmëfinale për herë të parë.
Ndeshja brenda 90 minutave u mbyll pa gola, njashtu edhe koha shtesë.
Në gjuajtjet e penaltive, australianet ishin të sakta shtatë herë, teksa francezet gjashtë.
Australia në gjysmëfinale do të përballet me fituesin e ndeshjes Angli-Kolumbi, për një vend në finale.
Ndërkohë, në gjysmëfinalen tjetër, Spanja do të ballafaqohet me Suedinë pas tre ditëve. /Klankosova.tv.
