Trajneri i Kombëtares shqiptare, Sylvinho, është shprehur i kënaqur me paraqitjen e ekipit të hënën në mbrëmje, duke theksuar rëndësinë e fitores kundër Andorrës.
Shqipëria ka siguruar tri pikët e para në fushatën kualifikuese për Kampionatin Botëror 2026, duke triumfuar bindshëm 3-0 në ndeshjen e dytë të Grupit K. Pas kësaj fitore, “kuqezinjtë” renditen në vendin e dytë me tri pikë, ndërsa kryeson Anglia me gjashtë pikë pas fitores ndaj Letonisë.
“Edhe unë edhe djemtë jemi të lumtur. E meritonim këtë fitore për t’u rikthyer në garë në grup. Gjithçka po ecën shpejt, por kemi bërë mirë. Jam krenar për lojtarët. Ndryshuam pak skemën dhe funksionoi shumë mirë”, ka deklaruar tekniku brazilian./RTK
