Obeziteti nuk është domosdo rezultat i marrjes së tepërt të ushqimit, një studim i shkencëtarëve amerikanë ka treguar se ata i atribuojnë “epideminë e obezitetit” në Amerikë karbohidrateve të përpunuara që shkaktojnë kaos në metabolizëm.

Sipas një grupi ekspertësh të udhëhequr nga David Ludwig, një endokrinolog në Spitalin e Fëmijëve në Harvard dhe Boston, problemi i vërtetë nuk qëndron në konsumimin e sasive të tepërta të ushqimit.

Ata besojnë se fajtorët kryesorë për obezitetin janë “zakonet moderne të të ngrënit të karakterizuara nga konsumimi i tepërt i ushqimeve me një indeks të lartë glicemik, veçanërisht karbohidratet e përpunuara, të tretshme shpejt”, transmeton FrontOnline.

Ata shpjeguan se konsumimi i sasive të mëdha të karbohidrateve të përpunuara dhe niseshte ndikon në një numër ndryshimesh hormonale dhe metabolike që rezultojnë në ruajtjen e energjisë së tepërt në trup në formën e yndyrës. Shkencëtarët pohojnë se cilësia e ushqimit që konsumon një person, jo sasia e tij, do të ndikojë nëse një individ do të shtojë peshë dhe përfundimisht do të zhvillojë trashje.

Shembuj tipikë janë patatet e skuqura, patatet e pjekura, brumi i bardhë dhe orizi, thekon drithërash dhe pije me sheqer.

“Ky lloj ushqimi shkakton një përgjigje hormonale që ndryshon rrënjësisht metabolizmin tonë, rrit ruajtjen e yndyrës, shtimin e peshës dhe obezitetin”, shkruan studiuesit në The American Journal of Clinical Nutrition.

“Për të kuptuar epideminë e obezitetit, ne duhet të kuptojmë se si ushqimi që hamë ndikon në hormonet dhe metabolizmin tonë”. Shkencëtarët pranojnë se në fund obeziteti gjithashtu kontribuohet nga mënyra e sotme e jetesës sedentare dhe mungesa e lëvizjes dhe stërvitjes.

Sipas Qendrave Amerikane për Kontrollin dhe Parandalimin e Sëmundjeve (CDC), më shumë se 40 për qind e të rriturve në Shtetet e Bashkuara janë obezë, që do të thotë se ata janë “në rrezik të shtuar për të zhvilluar sëmundje të zemrës, diabet të tipit 2, disa kancere dhe goditje në tru”./FrontOnline/