Sonte pritet të ndodhin shumë zhvillime dramatike brenda mureve të shtëpisë më të famshme në trevat shqiptare.

Kjo pasi vendimi i Vëllait të Madh për t’i dërguar banorët në nominim, ka trazuar ujërat e shtëpisë. Prej momentit kur banorët i kanë dhënë dy emra dhe dy arsye, ka filluar loja e vërtetë e tyre në BBVK3.

Sonte Prime të Big Brother VIP Kosova 3, do të ketë zhvillime të ndryshme, ku nuk do të mungojnë as debatet mes banorëve, pasi gjatë këtyre ditëve ka pasur përplasje verbale mes tyre dhe ato do të diskutohen në Prime-in e sotëm.

Përveç kësaj, do të ketë edhe një surprizë të lezetshme, për të cilën shikuesit duhet të presin deri në ora 21:00 për të parë se për çka bëhet fjalë.

Vëllai i Madh edhe sonte ka përgatitur një Prime të jashtëzakonshëm, i cili dita ditës po thyen çdo rekord shikueshmërie.