Zyra e Prokurorit të Specialjes do të dorëzojë dosjen paraprake për çështjen e Sali Mustafës deri më 15 shkurt.
Dhomat e Specilizuara kanë njoftuar se Gjykatësi i Procedurës Paraprake Nikola Giju, urdhëroi Zyrën e Prokurorit të Specializuar që deri më 15 shkurt 2021, të dorëzojë dosjen paraprake si edhe listën e dëshmitarëve dhe provave materiale të propozuara.
Sipas Dhomave të Specializuara, ZPS-ja ka treguar se mund të shtojë një dëshmitar shtesë në listën e tyre të dëshmitarëve për çështjen e eprorit të UÇK-së, Sali Mustafa, por nuk e specifikoi nën cilën kategori do të ndodhte kjo zbulim.
“Gjykatësi i Procedurës paraprake:
-URDHËRON SPO të paraqesë parashtrime të tjera, deri të hënën, 8 shkurt 2021, për çështjet e paraqitura në paragrafin 11;
-FTON Mbrojtjen për t’iu përgjigjur parashtrimeve të SPO, nëse është kështu dëshiron, deri të Mërkurën, 10 Shkurt 2021; dhe
– URDHËRON SPO të paraqesë një përmbledhje të tij të Procedurës Paraprake, listën e dëshmitarëve dhe listën e ekspozitat e propozuara në përputhje me rregullin 95 (4) të rregullave deri të hënën,
15 shkurt 2021”, thuhet në njoftimin e Dhomave të Specializuara.
Mustafa ka qenë pjesë e organizimit të Lëvizjes Kombëtare për Çlirim, që nga viti 1988, nën udhëheqjen e Afrim Zhitisë, Fahri Fazlisë e Fadil Vatës.
Gjatë veprimtarisë ilegale, ishte arrestuar nga regjimi i Sllobodan Millosheviqit, në vitin 1993 dhe është dënuar me 5 vite burgim për organizim të kryengritjes së armatosur.
Në gusht të vitit 1997, pasi përfundon dënimin me burgim, Mustafa ishte angazhuar për organizimin dhe shtrirjen e UÇK-së në rajonin e Prishtinës, Obiliqit, Gjilanit, Vitisë e Kamenicës.
Ka udhëhequr njësitet guerile të UÇK-së nën emrin guerilja BIA deri me themelimin e zonave operative të Llapit dhe Karadakut.
Mustafa ka qenë bashkëveprimtar i Bahri Fazlisë, Agron Rrahmanit, Ilir Konushevcit, Raif Qelës, Fatmir Humollit, Isa Kastratit e shumë figurave tjera të UÇK’së.
Salih Mustafa ka qenë njëri nga themeluesit e LKQK-së.
Ai shërbeu si shef i departamentit informativ të Trupave Mbrojtëse të Kosovës, pastaj edhe si këshilltar për inteligjencë i kryeministrit Agim Çeku.
