Liga e Evropës rikthehet sot në program me dy ndeshjet kthyese të fazës gjysmëfinale.

Njëherit sonte do të mësohen edhe dy finalistët e Ligës së Evropës për këtë edicion, shkruan Demokracia.com.

Manchester Unitedi që është shumë afër finales do të zhvillojë edhe ndeshjen e dytë kundër Romës e cila për shkak të rezultatit në “Old Trafford” është e “dorëzuar”.

“Djajtë e Kuq” fituan 6:2 në shtëpi kundër “Giallorossi” duke ia lehtësuar shumë punët vetes për ndeshjen e dytë që luhet sonte në “Olimpico”.

Por ndeshje e hapur e cila ende nuk ka përfunduar asgjë zhvillohet në “Emirates Stadium” në Londër.

Arsenali për të arritur finalen e madhe duhet të djerësitet fortë për ta përmbysur rezultatin e ndeshjes së parë kundër Villarrealit.

2:1 ishte rezultati në ndeshjen e parë në Spanjë me “Topçinjtë” që synojnë trofeun e Ligës së Evropës.

Dy përballet e lartcekura luhen sonte me fillim nga ora 21:00.

Kujtojmë se në finalen e Ligës së Kampionëve do të përballen dy skuadrat angleze, Manchester City dhe Chelsea.

Se a do të kemi një finale tjetër angleze në Ligën e Evropës kjo mbetet të shihet sonte.