Ish-kandidati për President të Kosovës, Seremb Gjergji, ka thënë se nuk mund të bëhet president dikush që kurrë s’ka dalë më larg se lagjja e tij.
Në emisionin Info Magazine në Klan Kosova, ai ka thënë se presidenti i vendit duhet t’i përmbushë sa paku tre faktorë.
“Unë besoj që pikësëpari presidenti duhet me hapë fytyrën – me heq atë vellon e mbuluar të fytyrës së shqiptarëve në veçanti me perëndimin. [2] me qenë i zoti të mattë vendime që shkojnë në interes nacional dhe jo personal ose grupor dhe [3] ta ketë një platformë që çon drejt botës perëndimore”.
“Kushdo qoftë ai që i ka këta tre faktorë që nuk janë të vështirë, por nuk janë as të lehtë që u hapin derën portave të mëdha – kjo është ajo pjesë për të cilën secili duhet të veprojë”.
“Unë nuk them se presidenti duhet me qenë më i miri dhe duhet t’i dijë krejt, por njerëzit që i merr rreth vetës duhet me qenë njerëz që e kanë një unë dhe që e kanë parë botën”.
“Nuk mund ta bëjmë president dikë që kurrë nuk ka dalë prej mahallës së vet. Nuk aludoj në askënd, por dikush që ka jetuar krejt jetën në qytetin e tij, sot bëhet president dhe del e shkon në perëndim”.