Për Kosovën, ëndrra “Euro 2020” ka përfunduar mbrëmë me humbjen ndaj Maqedonisë së Veriut ku rezultati përfundimtar ishte 2:1. Edhe pse me shumë mungesa të formacionit bazë, “Dardanët”, treguan lojë të bukur me shumë entuziazëm por që në fund fati nuk ishte në anën tonë.

Realizatori i vetëm për Kosovën ishte Florent Hadërgjonaj, ku goli i tij ishte gol barazimi pasi që Benjamin Kololli, 10 minuta më herët shënoi një autogol. Maqedonët u treguan shumë të shpejtë në rikthimin e epërsisë ku golashënues ishte Darko Velkovski me një asistim nga Enis Bardhi. Pjesa e parë u mbyll me rezultat 2:1, i cili ishte edhe në fund ishte rezultati përfundimtar.

Pas këtij makthi, Kosova do përballet kundër Sllovenisë në kuadër të Ligës së Kombeve të shtunën me fillim nga ora 20:45, ku “Dardanët” janë në grup me Greqinë, Slloveninë dhe Moldovën.

Pas Sllovenisë, do të udhëtojnë drejt Greqisë tri ditë më vonë me shpresë që do gjejnë rezultate të mira dhe të favorshme drejt kualifikimit.