Një 30-vjeçar ka mbetur i vdekur në orët e para të së shtunës në Ferizaj si pasojë e plagëve të marra nga sulmi me armë zjarri ndaj tij nga një person tjetër.

Lajmi është bërë i ditur përmes një komunikate për media nga Policia e Kosovës.

Në lidhje me këtë ka pasur reagime të shumta, e së fundmi ka reaguar edhe Skerdi.

Teksa ka publikuar një fotografi të viktimës në Instastory-n e tij, këngëtari ka shkruar “Allahu të shpërbleftë me xhenet vëllai jem”.

Kryeprokurori i Prokurorisë Themelore të Ferizajt, Shukri Jashari ka treguar për Shqip.com se ngjarja është zhvilluar para një marketi dhe se afër tij ishte një patrullë e policisë.

“I dyshuari afrohet tek marketi dhe gjuan në drejtim të viktimës, i cili ka qenë brenda marketit. Në atë moment zyrtari policor në rroba civile, i cili ishte duke kryer një ndalim tjetër dhe ka rastisur në ato momente ka filluar ndjekjen e të dyshuarit duke i thënë me fjalë “ndal policia” dhe i është prezantuar si policë, mirëpo ka qenë i rrezikuar nga dhe është detyruar të shtënë me armë zjarri”, ka thënë Jashari.