Vazhdojnë shkrimet skandaloze të mediave nga Spanja në lidhje me Kosovën.

Mediumi prestigjioz spanjoll, “AS” në renditjen tabelore të grupit B për eliminatoret e Botërorit “Katar 2022” e ka bërë një skandal të madh, shkruan FrontOnline.

Në këtë grup ku bën pjesë edhe Përfaqësuesja e Kosovës, “AS” nuk i ka vendosur fare emrin Kosovës.

Spanja e kishte shkaktuar edhe një skandal të madh para disa ditësh, kur kishte vendosur që të mos intonohej himni i Kosovës si dhe t’i referohej Kosovës si “territor” para ndeshjes së 31 marsit.

Megjithatë, pas presioneve, spanjollët ishin “dorëzuar”.

Ndryshe, Spanja e pret Kosovën në Sevilla më 31 mars në kuadër të kampanjës eliminatore për Botërorin “Katar 2022”. /FrontOnline