Motoçikleta fluturuese Speedster, që të kujton avionët nga ekskluziviteti i filmit Star Wars, do të jetë komercialisht e disponueshme me një shpejtësi maksimale prej 240 km/h dhe një çmim fillestar prej 380,000 dollarë (325,220 €).

Bazohet në një aeroplan të destinuar për nevojat e ushtrisë, shërbimet qeveritare, por edhe për klientët tregtarë të cilët janë të angazhuar në operacionet e shpëtimit në zona të vështira për t’u arritur, transmeton FrontOnline.

Sidoqoftë, kompania prapa Speedster tani synon ta ofrojë atë në treg për klientët e zakonshëm, si një mjet për qëllime rekreative.

Versioni “civil” gjithashtu do të përdorë teknologjinë vertikale të ngritjes dhe uljes, kështu që do të jetë në gjendje të ngrihet në mënyrë efikase nga kudo, nga një zonë e pushtuar përafërsisht nga një makinë e vogël.

Speedster është puna e kompanisë amerikane Jetpack Aviation, e cila ka punuar në zhvillimin dhe prodhimin e këtij lloji të automjeteve që nga viti 2016. Një zëdhënës i kompanisë tha se vetëm “trajnimi minimal i pilotëve” ishte i nevojshëm për të operuar këtë motor./FrontOnline/