Është krejt normale që një person rreth të dyzetave të mos jetë në gjendje të ushtrojë në të njëjtën mënyrë siç mund të ishte në të njëzetat. Sidoqoftë, kjo në asnjë mënyrë nuk do të thotë se ata do të “bien” nga forma.

Gjëja më e rëndësishme që duhet të dini është se mendja është më e rëndësishmja dhe mënyra juaj e të menduarit do të reflektojë në trup. Mundohuni të përfytyroni veten duke përparuar gjatë stërvitjes, dhe me përkushtim, përparimi së shpejti do të ndodhë vërtet, transmeton FrontOnline.

Ju duhet të stërviteni katër deri në gjashtë herë në javë. Konsistenca është thelbësore për të arritur rezultate afatgjata dhe për të rritur nivelet e energjisë. Duhet të mësoni të pranoni veten dhe të përqafoni shenjat e plakjes.

Merrni kohë për meditim ose joga. Mendoni për qëllimet e reja që dëshironi të vendosni. Sado e rëndësishme të jetë ushtrimi aktiv, është gjithashtu e rëndësishme të dini kur të relaksoheni.

Konsumoni ushqime të pasura me antioksidues që kanë përbërës që i japin lëkurës një pamje rinore: çaj jeshil, boronica, lakër jeshile, çokollatë të errët, limon dhe më shumë. E bardha e vezës, peshku i egër, mishi i shpezëve dhe ushqime të tjera të pasura me fibra duhet të jenë themeli i dietës tuaj.

Ushtrimi në grup do t’ju ndihmojë të stërviteni rregullisht. Aktivitetet shoqërore ngrenë shpirtin dhe rrisin produktivitetin në të gjitha sferat e jetës.

Nëse stërviteni katër deri në gjashtë ditë në javë, lini mënjanë një ditë për të shërbyer si shërim. Pastaj mund të bëni një shëtitje të shpejtë ose të bëni një not të qetë. Ecja rrit marrjen tuaj maksimale të oksigjenit (VO2 max), dhe noti çon në një rrjedhje më të mirë të gjakut.

Kushtojini vëmendje shprehive, aktiviteteve dhe faktorëve të tjerë që shkaktojnë stres. Mund të shkaktojë një sërë problemesh shëndetësore, dhe një prej tyre është shtimi në peshë. Rritja e sekretimit të kortizolit çon në lodhje, nervozizëm, sindromë të zorrëve të irritueshme dhe presion të lartë të gjakut./FrontOnline/