Ajo as nuk ëndërronte të bëhej e famshme, ndërsa sot nuk ka asnjë që nuk ka dëgjuar për këtë bukuroshe.

Braziliania Lais Ribeiro 30-vjeçe, lindi fëmijën e saj të parë, djalin Aleksandrin në moshën vetëm 17 vjeçe dhe dëshira e saj ishte të bëhej infermiere.

Sidoqoftë, kjo nuk ndodhi, transmeton FrontOnline. Një vit pas lindjes së djalit të saj, me nxitjen e një shoku, ajo filloi modelimin. Dhe ajo nuk u pendua, ajo u bë një nga modelet më të famshme në botë!

Kur erdhi në Nju Jork nga një qytet i vogël në Brazil, ajo mezi dinte disa fjalë në anglisht dhe nuk kishte dëgjuar kurrë për markën “Victoria’s Secret”.

Sot ajo është një nga Engjëjt e Victoria-s. Dhe ky nuk është fundi, pasi Lais gjithashtu gjeti një fytyrë të famshme për tu dashuruar. Lais po argëtohet me ish -basketbollistin e NBA Joaqui Noah, i cili doli në pension në fillim të këtij viti./FrontOnline/