“Mamounia Bar” dhe “Oh My” janë dy lokalet te Kafet e Vogla në Prishtinë të cilat policia i gjobiti sonte.
Kjo për shkak se siç mëson “Front Online” nga burime brenda Policisë, ato prishën rendin dhe qetësinë publike, duke lëshuar muzikë me zë të lartë, gjë që bie në kundërshtim me nenin 8 të LIGJIt PËR RENDIN DHE QETËSINЁ PUBLIKE.
Ky nen thekson se kushdo që shkakton zhurmë të panevojshme dhe të padurueshme që dëgjohet të banorët përreth ose në rrugë që shqetësojnë personat tjerë nga ora 22:00 e deri në orën 07:00 gjatë ditëve të javës prej orës 23:00 e deri ne orën 07:00 të shtunave dhe të dielave, dënohet për kundërvajtje.
Nëse ky lloj i kundërvajtjes kryehet nga pronari ose personi i një subjekti juridik, si në këtë rast nga këto lokale, shqiptohet gjobë prej njëqindepesëdhjetë (150) deri shtatëqind (700) Euro./Front Online/