Bashkia e Shkodrës është përfshirë nga reshje me intensitet të lartë dhe erëra të forta gjatë pasdites së sotme. Si pasojë, në disa segmente rrugore në qytet dhe fshat ka prezencë uji.
Në lidhje me këtë situatë të krijuar, kryebashkiaku i Shkodrës, Benet Beci ju bën thirrje qytetarëve që të evitojnë daljen e panevojshme nga banesat gjatë këtyre orëve.
“Ju bëjmë apel që gjatë këtyre orëve të evitoni daljet e panevojshme nga banesat, por të bëni vetëm ato për arsye të domosdoshme. Grupet e punonjësve të ujësjellësit dhe të ndërmarrjeve të Bashkisë Shkodër janë në terren për të monitoruar situatën dhe për t’i ardhur në ndihmë banorëve“, njofton Beci.
