Shërbimi Korrektues i Kosovës ka bërë të ditur se ka pezulluar nga detyra pesë zyrtarë korrektues, pasi ka pranuar raportin nga organet e ndjekjes që ngre dyshime për keqpërdorim të armëve zyrtare.
SHKK deklaron se mbetet e përkushtuar ndaj zbatimit të ligjit dhe garantimit të procedurave të rregullta ligjore.
“Shërbimi Korrektues i Kosovës njofton opinionin publik se, pas pranimit të raportit fillestar nga organet e ndjekjes, ka marrë vendim për pezullimin nga detyra të pesë zyrtarëve korrektues, të cilët dyshohen për keqpërdorim të armëve zyrtare. Shërbimi Korrektues i Kosovës mbetet i përkushtuar për të vepruar gjithmonë në bazë të ligjit dhe për të garantuar mbarëvajtjen e procedurave ligjore”, thuhet në njoftim.
