Sot nga ora 15:00 do të luhen pesë ndeshje të javës së 25-të në Ligën e Parë të Maqedonisë së Veriut. Të shtunën, Vardari triumfoi në transfertën ndaj Pelisterit në Manastir me rezultat 1:3, njofton Telegrafi.

Një sezon më parë, dueli mes Strugës dhe Shkupit kishte vlerën e një derbi për titull, por këtë edicion situata ka ndryshuar. Të dy skuadrat, kampionët e fundit të LPFM-së, janë larg garës për trofe. Shkupi do ta luajë këtë ndeshje me një emocion të veçantë, pasi do të jetë ndeshja e parë pas humbjes tragjike të futbollistit Andrej Llazarov.

Besa nga Dobërdolli do të udhëtojë drejt Arenës “Todor Proeski” për t’u përballur me Rabotniçkin. Për skuadrën vendase, vetëm fitorja ka vlerë në garën për titull apo për një vend në Europë, ndërsa Besa do të kërkojë një rezultat pozitiv për të dalë nga fundi i tabelës.

Dyeshet e javës së 25-të (ora 15:00):

Struga – Shkupi, Shkëndija – AP Brera, Gostivari – Voska Sport, Rabotniçki – Besa, Sileksi – Tikveshi , Pelisteri – Vardari 1:3

Tabela aktuale: 1 Shkëndija – 50 pikë, 2 Sileksi – 48 pikë, 3 Rabotniçki – 45 pikë, 4 Gostivari – 44 pikë, 5 Struga – 38 pikë, 6 Shkupi – 31 pikë, 7 Pelisteri – 29 pikë, 8 Vardari – 25 pikë, 9 Tikveshi – 21 pikë, 10 AP Brera – 21 pikë, 11 Besa – 21 pikë dhe 12 Voska Sport – 19 pikë. /Telegrafi/