Në Gjermani ka, le t’i quajmë, luftëra të mëdha çmimesh të prodhuesve të makinave elektrike. Qëllimi është të shesim sa më shumë dhe të pozicionohemi si forca më e madhe në tregun më të fuqishëm europian.

Modeli Y i Tesla-s ishte makina elektrike më e shitur në Gjermani vitin e kaluar, me rreth 45,800 të shitura. Sidoqoftë, Tesla humbi titullin e markës elektrike më të shitur në vend, dhe fituesi ishte Volkswagen. Shitjet e VW-ve elektrike u rritën 12 për qind në 70,628 automjete vitin e kaluar, ndërsa vëllimi i Tesla ra nëntë për qind në 63,685 makina të shitura, shkruan Automotive News Europe, transmeton FrontOnline.

Tesla tani ka ulur çmimet e Model Y në Gjermani. Kështu, ai iu bashkua Volkswagen-it, i cili gjithashtu korrigjoi çmimet, si dhe BYD-së kineze. Tesla ka ulur çmimet për Model Y Long Range dhe Model Y Performance për 5,000 euro në 49,990 euro dhe 55,990 euro në Gjermani, që paraqet një zbritje prej 9 për qind dhe 8 për qind në krahasim me çmimet e mëparshme, transmeton FrontOnline.

Tesla gjithashtu uli çmimin e modelit Y me rrota të pasme me 1,900 €, ose 4,2 përqind, në 42,990 €. VW, nga ana tjetër, po financon subvencionet për automjetet elektrike nga arkat e saj pasi qeveria gjermane tërhoqi papritur stimujt. Sigurisht, nëse blini ID.3, ID.4… Këto janë zbritje të mëdha, vetëm VW nuk i quan kështu në terma marketingu.

Dhe BYD po ul çmimet e automjeteve elektrike në Gjermani, veçanërisht për SUV-in e saj kompakt Atto 3. BYD shiti vetëm 4,140 makina në Gjermani vitin e kaluar, por po synon një pjesë të tregut 10 për qind pasi fabrika e saj e re e makinave në Hungari fillon prodhimin në dy ose tre vjet./FrontOnline/