Po vazhdon mbledhja e Komisionit Hetimorë për Privatizim ku po intervistohet ish ministrin i Financave dhe Ekonomisë Haki Shatri.

Ish- ministri Haki Shatri dhe anëtari i bordit ka thënë se në kohën e tij procesi i privatizimit është udhëhequr nga UNMIK-u, raporton Front Online.

“Procesi i privatizimit në atë periudhë si opinion dallon shumë si opinion prej sot. Shoqëria civile e kanë prit me admirimin procesin e privatizimit në atë kohë, është shpresuar që një proces i privatizimit do ta kthejë pasurinë në të mirë”, ka thënë Shatri.

Por që sipas tij modeli për privatizim në Kosovë i përzgjedhur nga UNMIK-u, ka qenë gabim dhe për ta ka qenë e rëndësishme ta paraqesin si sukses privatizimin dhe tranzicionin dhe nuk ka qenë e rëndësishme nëse përfiton Kosova nga ky proces

“Por ky proces është udhëhequr nga UNMIK-u, dhe kanë pas drejt mos mi dhënë llogari askujt përveç eprorëve. Modeli që është përzgjedh tek ne iu ka përshtat UNMIK-ut dhe situatës. Ata kanë dashur të të raportojnë si sukses të tranzicionit dhe i vetmi sukses ka qenë ai i privatizimit”, ka thënë tutje Shatri, raporton Front Online.

Shatri tha se si Qeveri gjatë kohës së AKB-së nuk kanë pasur shumë ndikim në bord.

“Anëtari i Qeverisë në këtë proces nuk ka ditur shumë , tha Shatri.
Hajruallah Çeku nga VV-ja, anëtar i këtij komisioni e ka pyetur Shatrin nëse janë arrit qëllimet e privatizimit

“A mendoni që janë arrit qëllimet për të cilat është nisë privatizimi”, e pyeti ai.

Në këtë pyetje Shatri u përgjigj që jo nuk janë arritur.

“Jo, nuk është mbërri”, ka thënë ai, raporton Front Online.

Shatri u pyet edhe nëse këto qëllime në këtë proces nuk janë arritur për faj të palës kosovare.

“Nuk janë beri qëllimet për arsye praktike, privatizimi nuk i ka dhënë qëllimet e pritura për tërheqjen e investimeve të huaja, nuk ka dhënë efekte në punësim…Projekti ka qenë i projektuar jo për interesa të Kosovës por që BE e ngarkuar për procese të zhvillimit ekonomik dhe të tranzicionit me përfunduar këtë rast si të suksesshëm”, tha Shatri.

Shatri u sqarua më tutje se kur thotë se nuk janë arrit objektivat e ka fjalën për kohën e udhëheqjes së UNMIK-ut./Front Online