Drejtori ekzekutiv i Institutit Epik, Demush Shasha, ka thënë në “DESK” se Raporti i Progresit në mënyrë eksplicite tregon se institucionet e sundimit të ligjit në Kosovë janë nën presionin politik.
Shasha ka thënë se në Raportin e KE-së është konfirmuar se Kosova nuk është e aftë t’i përmbushë as ato kritere që janë në kuadër të MSA-së. Madje ka edhe shkelje të disa pikave, sipas Raportit. Ai tregoi se mungon vullneti politik për zbatimin e reformave.
“Reformat në rrugën tonë integruese, të themi se kemi filluar nga një bazë e vogël, kërkesë e vogël. BE-ja po kërkon nga Kosova që të përmbushë disa kritere sikur që janë ato në kuadër të MSA-së. Por ajo që konfirmoj raporti sot është se ne nuk jemi të aftë t’i përmbushim as ato. Raporti konfirmoj se Kosova është në shkelje të disa pikave të MSA-së, e lëre më të ndërmarrë referoma të thella siç është vettingu. Nuk jemi gati për një Evropë përnime. Mungon vullneti politik për zbatim reformave evropiane, ato që i themi reforma evropiane. Nuk ka asgjë të huaj në përkufizimin reforma evropiane”, ka thënë Shasha për DESKU-n në KTV. “Raporti evidenton që brenda dy vjetëve, nga 2017 deri më 2019, përkundër gjendjes alarmante mjedisore në Kosovë, numri i deponive ilegale në Kosovë, jo që nuk është zvogëluar, por nga 1500 deponi ilegale më 2017 sot i kemi 2500 deponi ilegale. Po shkojmë në drejtim tërësisht të kundërt. Po e marrim një çështje si çështjen mjedisore. Pastaj vijmë te çështjet më të ndjeshme politike, si lufta kundër korrupsionit. Për nuk e di të satën herë konfirmohet prapë e njëjta gjë, që Kosova ka problem serioz me korrupsionin dhe nuk ka vullnet politik për të ndërmarrë hapa në adresimin e korrupsionit. Përderisa njëkohësisht në mënyrë eksplicite raporti konfirmon se institucionet e sundimit të ligjit janë nën presionin politik. Me një mjedis të tillë të zhvillimeve, nuk mund të flasim për një rrugë serioze integruese”.
Sot Kosova ka pranuar raportin vjetorë të Komisionit Evropian ku sikurse viteve të kaluara si vend ka dalë jo mirë në shumë fusha, e sidomos në fushën e sundimit të ligjit./Front Online/
